გერმანული BMW-ს გულშემატკივრები მოუთმენლად ელიან ახალი თაობის მესამე სერიის გამოსვლას, რომელიც ამ წლის ბოლოს თუ არა, მომავალი წლის დასაწყისში მაინც წარსდგება ავტომოყვარულთა წინაშე, რომელსაც მალევე უკან მოჰყვება M3. 

ყველაზე სენსაცუირი, სანდო და საინტერესო სიახლე რაც ბოლო ინფორმაციის მიხედვით ირკვევა არის ის, რომ ახალი თაობის BMW M3-ს აღარ ექნება (420 ცხენისძალიანი, 4 ლიტრიანი ) V ტიპის 8  ცილინდრიანი ძრავი. როგორც ბავარიელები ამბობენ 4 ლიტრიან აგრეგატს ახალი 6 ცილინდრიანი 3 ლიტრიანი ძრავი შეცვლის, რომელიც ამ მომენტისათვის სხვა და სხვა ბეემვეებში გამოიყენება. ჩვეულებრივი 3 ლიტრიანი აგრეგატი, როგორც წესი 306 ცხენისძალიდან 340 ცხენისძალამდე გამოიმუშავებს, თუმცა მისი ბიტურბირებული ვარიანტის სიმძლავრე, (რომელიც სპეციალურად M3-ისთვის შეიქმნება) 450 ცხენისძალამდე გაიზრდება.

ასეთი მონაცემებით BMW M3, კლასის ერთ-ერთი საუკეთესო და სწრაფი ავტომობილი გახდება, რომელიც 0-100 კმ/სთ-მდე 4,5 წამში აჩქარდება, რითაც უკან მოიტოვებს Audi RS5-ს, რომელიც იგივე სისწრაფეს 4,6 წამში ავითარებს, თუმცა არ უნდა დავივიწყოთ Mercedes-Benz C63 AMG, რომელიც ჭარბი წონის მიუხედავად Performance პაკეტის დახმარებით 0-100 კმ/სთ-მდე 4,4 წამში ჩქარდება. ამ მომენტისათვის სხვა ინფორმაცია არ ვრცელდება.

მოცემული ფოტოები არის ესკიზური და არა ოფიციალური ...