სტანდარტულ BMW M3-ს აქვს 4,4 ლიტრი მოცულობის V ტიპის 8ცილინდრიანი ძრავი, რომელიც მაქსიმალურ 420 ცხენისძალას გამოიმუშავებს. ეს ყველაფერი შესაძოა ძალიან მიმზიდველი, გამაოგნებელი და სპორტულია, თუმცა თუ თქვენ თქვენს M3-ს გამოცდილ ტუნერს ჩააბარებთ, შესაძლოა ის კიდევ უფრო საოცარი გახდეს. ალბათ მიხვდით რომ სტატია მესამე სერიაში ყველაზე ძლიერ მოდელს, M3-ს ეხება, რომელიც გერმანულმა ტუნინგ ატელიეManhart Racing-მა დაატუნინგა.

ავტომობილი რომელსაც ატელიემ BMW M3 V8RS-ი უწოდა, სტანდარტულიV8-ის ნაცვლად აღჭურვილია "S63" კოდური დასახელების ძრავით, ანუ იმ აგრეგატით, რომლითაც BMW-ს ქროსოვერი, X6M-ია აღჭურვილი, თუმცა ატელიემ V8RS-ის ახალ ძრავს ისევ და ისევ  X6M-ის ავტომატური გადაცემათა კოლოფიც დაუმატა. ამ ყველაფრის, ძრავში ცატარებული მცირე სამუშაობეის და ახალი საბოლქვი სისტემის დახმარებით Manhart Racing BMW M3 V8RS-ი 724 ცხენისძალას გამოიმუშავებს. 

სამწუხაროა რომ ატელიემ არ განაცხადა ძალიან ძლიერი M3-ის მონაცემები და შესაძლებლობები, თუმცა თუ გავიხსენებთ 420 ცხენისძალიანი M3-ის შესაძლებლობებს, ალბათ მივხვდებით თუ რა შეუძლია იგივე ავტომობილს დამატებითი 304 ცხენისძალით. ალბათ 2 ფერში შესრულებულ ექსტერიერს, რომელიც შავი ფერის დისკებზე დაგორავს ბევრი ახსნა აღარ უნდა, რადგან ამ ყველაფრის უკედ აღქმაში ვიდეო დაგეხმარებათ.