ცოტა ხნის წინ ჩვენ ვიხილეთ M3-ის Pickup-ი, რომელიც თითქმის არც ერთ რეალურად მოაზროვნე ადამიანს არ მოეწონა და უფრო მეტიც ბევრს შეეშინდა კიდეც, რომ მათი ფავორიტი ავტომწარმოებელი ასეთ აზრს მოკლებულ მოდელს გამოუშვებდა, თუმცა მინდა დაგაწყნაროთ და გითხრათ, რომ ბეემვეში უბრალოდ იუმორის გრძნობა შემოაწვათ და ფანატებს გაეხუმრნენ. ხუმრობა გასაგებია, თუმცა ავტომობილის მართლაც შექმნეს და საინტერესოა რას უპირებენ ისინი M3-ის ერთადერთ პიკაპს ?

ცნობილი ხდება, რომ ავტომობილის პრეზენტაცია პირველ აპრილს ახალი თაობის M5-ის კონცეფტუალურ მოდელთან ერთად შედგება. 

"Dirk Arnold"-მა ბეემვეს პროდუქციის წარმოების დირექტორმა Autoblog თან ინტერვიუში განაცხადა, "ჩვენ ვიცით, რომ ბოლო დღეების განმავლობაში ყველა M3-ის პიკაპზე საუბრობდა და მის შესახებ ათასნაირი აზრი და ჭორი დადიოდა, თუმცა ეს უბრალო საპირველაპრილო ხუმრობა იყო და ბეემვე ასეთი ტიპის ავტომობილს არც ერთი სეგმენტისათვის არ შექმნის".

M5 Concept-ის პრეს პრეზენტაცია პირველ აპრილს შედგემა, თუმცა კომპანია მის გამოშვებას ამ ეტაპზე არ აპირებს ისევე როგორც M3-ს ბაზაზე აწყობილ El Camino-ირებულ M3-ის გამოშვებას. გარდა ამისა ცნობილი ხდება, რომ კომპანია M3-ის კონცეფტუალურ მოდელს ამზადებს, რომლის ძირითადი განსხვავება იქნება დასაკეცი რკინის სახურავი და არ არის გამორიცხული, რომ ეს ავტომობილი მალე სადილეროებშიც ვიხილოთ, თუმცა დაწვრილებით ინფორმაციას ბეემვე პირველ აპრილს გაავრცელებს.