თქვენს წინაშეა ახალი ჯაშუშური ვიდეო, რომელშიც 2005 BMW M5 E60-იდან დაფიქსირებულია გერმანიის ავტობანზე მოძრავი 2012 BMW M5 F10-ის პროტოტიპი. საინტერესო ფაქტი ვიდეოში ის არის, რომ კამერიანი E60 M5, BMW F10 M5-ის გადასწრებას მხოლოდ მას შემდეგ ახერხებს რაც მისი სიჩქარე 290-300 კმ/სთ-ს მიაღწევს. ალბათ მიხვდით, რომ ავტომობილი მაღალ სისწრაფეზე გადის ტესტირებას, თუმცა შექმნილ ვითარებაში ყველაზე საინტერესო ის არის, რომ ვიდეო არა ჟურნალისტმა, ან რომელიმე პაპარაცმა გადაიღო არამედ ერთ-ერთმა გერმანიის მოქალაქემ, რომელიც არდადაგებიდან შინ ბრუნდებოდა, ახალი თაობის M5-ის დანახვის შემდეგ კი მან სიჩქარეს მოუმატა და შედეგი თავადაც ნახეთ.

ამავე ნიუსში მოვაქციოთ ის ფაქტი, რომ ინტერნეტ სივრცეში გავრცელდაBMW F10 M5-ის პირველი ინტერიერის სურათები, რომელიც შანხაის ავტო შოუზე პაპარაცმა გადაიღო. არაოფიციალური და შედარებით უხარისხო ფოტოების გამო, მხოლოდ იმის დანახვაა შესაძლებელი, რომ ავტომობილი აღჭურვილია Alcantara-ს ტყავით, ხოლო მისი საჭე შეკერილია M-ისთვის დამახასიათებელი ფერებით. აქვე მინდა გითხრათ, რომ ინტერიერზე მუშაობა ბავარიულ კონცერნს ჯერ კიდევ არ დაუსრულებია. დანარჩენს ალბათ ფოტოებიდან უკედ ნახავთ.