BMW-მ გაავრცელა ახალი ვიდეო, რომელშიც ახალი თაობის 3-Series-ს მაღალ ტემპერატურაზე ტესტავენ. იმის მიუხედავად რომ ამ მომენტისათვის უცნობია ავტომობილის დიზაინერული დეტალები, ვიდეოს მიხედვით შეგვიძლია ვთქვათ, რომ ახალ სამიანს X3-ის მსგავსი ინტერიერი აქვს.
ალბათ უკვე იცით, რომ 3-Series-ი ეხლანდელ მესამე თაობასთან შედარებით საკმაოდ დიდი ზომის იქნება, ხოლო დიზაინერული თვალსაზრისით ის ახალი მეხუთე სერიის მსგავსი იქნება. რაც შეეხება ავტომობილის ძრავებს, ამ ეტაპზე ცნობილია, რომ მას 4 ტიპის ძრავი ექნება, რომელთაგან ყველაზე მცირე მოცულობის არის Turbocharged 1.6ლიტრიანი აგრეგატი, რომელიც 148 ცხენისძალას გამოიმუშავებს. მოცულობით და სიმძლავრით შემდეგი ძრავი არის კვლავ ტურბოჩარჯირებული 2 ლიტრიანი ძრავი, რომელიც 241 ცხენისძალას გამოიმუშავებს, თუმცა ბავარიელებმა გადაწყვიტეს მომხმარებლისთვის არჩევანი გაეფართოვებინათ და ზემოთ ნახსენებ 2 ძრავს, კიდევ უფრო ძლიერი, ტურბოჩარჯირებული 3 ლიტრიანი ძრავიც დაუმატეს, რომელიც 300ცხენისძალას გამოიმუშავებს. რაც შეეხება მეოთხე ძრავს, ცნობილი ხდება, რომ ის 54 ცხენისძალიანი Hybrid-ი იქნება, რომელსაც მოძრაობაში ასევე ჩვეულებრივი შიგა წვის ძრავი დაეხმარება.
2012 BMW 3-Series-ის გამოშვება 2011 წლის ბოლო მეოთხედისთვის იგეგმება და სწორედ ამიტომ, შეგვიძლია ვივარაუდოთ, რომ მისი პრეზენტაცია Frankfurt Motor Show-ზე შედგება.
